29 四月

Arduino UNO R3 盤古初開

MADE IN ITALY 真嘅一樣,有隻係印中文,算係有啲避忌,不過做工一流,我冇影其他一大堆嘅零件,不重要喇,唔使兩百蚊人仔,一定夠你開始學習 Arduino! :mrgreen:

我哋兩位學徒各自買了一套,A 比 B 貴十蚊,都差不多,兩款都有膠盒,都有 CD,A 有書,B 有 9 Volt 電池,A 有 USB 線 … 算係物有所值。

喺淘寶網買嘅套裝 Arduino UNO R3:

IMG_20160428_152151 IMG_20160428_152130

先去安裝 Arduino 專用嘅 developer IDE,官網下載

01

我用 Windows 8.1,你可以用咩都得(Mac OSX / Linus),隻 IDE 係免費嘅,不過你可以隨意資助他們,鼓勵鼓勵:

02

唔使下載 Nightly Build,我哋用 Installer 方便啲:

03

安裝開始:

04

全部都要,都有用咖,哦,你可以唔要 shortcuts,不過無謂自找麻煩吖,學識行先,日後要飛都得:

05

安裝喺邊?同樣嗰句,選 default:

06

開始安裝個 IDE:

07

中途會問你要唔要安裝 Arduino 嘅 USB Driver,記得答 Install:

08

其實一開始我咪 check 咗要安裝囉?係呀,Windows 就係一千年都唔會改進咖,直到你頂唔順跳槽,好似我咁,改用 Mac 啦,會有意想唔到嘅收獲都唔定,you never know。 😆

安裝完,Start menu 會多咗 Arduino(排第一行嗰個):

10

Launch 佢:

11

暫時唔好理 IDE,依家要用隻 UNO 同埋條 USB 線:

IMG_20160428_142007

插好,Arduino 會自動攞 USB 供電,唔使再插電,其實係千祈唔好再插 9 volt 電!

有電嘅 Arduino 係咁嘅:

IMG_20160428_142309

可以見到右邊粒 ON led 發光,中間的 TX / RX led 閃一輪之後全部熄哂,然後 L led 會閃下閃下,咁就算正常。咁都要講?畫公仔要畫出腸?ON 即係隻 UNO 有電到,TX 係 UNO 送 data 出街,RX 就係 UNO 收到 data,L 係有啲特別,係 13 腳專用 LED。

再嚟就係試下隻 Arduino IDE 可唔可以搵到隻 UNO;

12

見唔見?有埋 COM5 (Arduino/Genuino Uno),你可能唔係 COM5,COM 幾唔重要,搵到就得,click 一下選佢。咁樣已經都算準備好,隨時可以寫 program,不過我哋玩多少少,試下 Build in Examples 嘅 Blink;

13 14
網上版 Blink Arduino IDE 版

可以直接 copy/ paste 下面嘅 code:

int ledPin = 13;

void setup()
{
 pinMode(ledPin, OUTPUT);
}

void loop()
{
 digitalWrite(ledPin, LOW);
}

然後 click 左上角嘅向右箭咀,Arduino IDE 就會將個 program 經 USB 送俾 UNO,UNO 收左就會 run,你會見到 L led 最後係熄咗嘅。第二步,將 LOW 改為 HIGH,再送俾 UNO,L led 最後係長著。第三步,改多少少,如下:


int ledPin = 13;

void setup()
{
 pinMode(ledPin, OUTPUT);
}

void loop()
{
 digitalWrite(ledPin, HIGH);
 delay(2000);
 digitalWrite(ledPin, LOW);
 delay(2000);
}

L 燈會每間兩秒閃下閃下,試下隨便改 2000 做 1000 / 4000 之類,睇下  L  燈聽唔聽你支笛?你成功叫隻 UNO 發出指示俾 pin 13,pin 13 駁住粒 L led就會通電,有電到就發光,好簡單。

呀,有時隻 IDE 會出紅色字,即係遇到麻煩,你按一下 UNO 左上角嘅掣 RESET 一下,然後再叫 IDE 送過,咁簡單嘅 program 唔會有 bug 喇,一次唔得就送多兩次。 😆

好,我哋玩真嘅:

ExampleCircuit_bb  ExampleCircuit_sch

喺買返嚟嘅套件入面搵一粒紅色 LED 一粒 1K 電阻:

IMG_20160428_144030

LED 有正負腳,唔知掂分?有鄉民話唔著咪反轉嚟再試囉,電阻掂睇幾多阻抗?去 Google 下。 😆

IMG_20160428_150409

上圖嘅紅線插去 UNO pin 12,改 program 嘅 13 做 12,run,登登登,粒 LED 閃下閃下!你又成功咁叫隻 UNO 向 pin 12 發出指示。

係咪好容易呢?今堂你學識咗:

  • PC 駁 Arduino UNO
  • Arduino IDE 駁 Arduino UNO
  • 用磈麵包板 (breadboard)
  • 控掣 UNO 送 signal 去唔同嘅腳仔
  • 簡單電子原理 (LED + Resistor)

下一堂玩勁啲!

 

IT 老人
本來想用 IT 聖誕老人,不過一來感覺有啲長,二來咪每年得 12 月會出現?太少了,於是,IT 老人 就剛剛好。 :)

咁,掂解叫老人?因為喺哩行資歷深囉。不過,學無前後,達者為先。(我信架)

發表回覆